انڈیا کی ریاست اترپردیش میں چوری کی ایک عجیب واردات پیش آئی جب چور کو اچانک نیند نے آ لیا۔ہندوستان ٹائمز کی رپورٹ کے مطابق یہ واقعہ ریاست اترپردیش میں پیش آیا جب ایک چور ایک ایسے گھر میں داخل ہوا جو باہر سے بند تھا۔چور نے اس گھر سے قیمتی اشیا جمع کرنے کے بعد کچھ دیر سستانے کے لیے ایئرکنڈشنر آن کیا اور پھر وہیں اس کی آنکھ لگ گئی۔اس کے بعد صبح پولیس نے چور کو نیند سے جگا کر گرفتار کر لیا۔ٹائمز آف انڈیا کی رپورٹ کے مطابق یہ واقعہ اندرا نگر میں غازی پور پولیس سٹیشن کی حدود میں ڈاکٹر سنیل پانڈے کے گھر میں پیش آیا۔ڈاکٹر سنیل پانڈے بالرام پور ہسپتال میں کام کرتے ہیں اور ان دنوں وہ وراناسی میں مقیم ہیں جبکہ ان کا غازی پور والا گھر بند پڑا ہے۔اس واقعے کی صبح پڑوسیوں نے جب اس گھر دروازہ تھوڑا سا کھلا ہوا دیکھا تو انہیں شک ہوا۔ وہ گھر میں داخل ہوئے تو وہاں چیزیں بکھری پڑی تھیں۔اس کے بعد انہوں نے فوری طور پر پولیس سے رابطہ کیا۔ جب پولیس اس گھر میں پہنچی تو انہوں نے کپل نامی نوجوان کو چوری کی گئی اشیا کے قریب سوتے ہوئے پایا۔پولیس نے چور کو گرفتار کر کے اس کے خلاف مقدمہ درج کر دیا۔غازی پور پولیس سٹیشن کے ایس ایچ او وکاس رائے نے بتایا کہ ’گھر کی الماریاں ٹوٹی ہوئی تھیں۔ رقم سمیت سب چیزیں اٹھائی گئی تھیں۔ چور نے واش بیسن اور واٹر پمپ تک چوری کرنے کی کوشش کی۔‘