وفاقی وزیر تعلیم و پیشہ وارانہ تربیت کا اسلام آباد ماڈل کالج فار گرلز ایف 6/2 کا دورہ ،اپ گریڈیشن کے کام میں پیش رفت کا جائزہ لیا

اسلام آباد۔31مئی (اے پی پی):وفاقی وزیر تعلیم و پیشہ وارانہ تربیت خالد مقبول صدیقی نے اسلام آباد ماڈل کالج فار گرلز ایف 6/2 کا دورہ کیا اور تزئین و آرائش اور اپ گریڈیشن کے کام میں پیش رفت کا جائزہ لیا۔ انہوں نے جاری کام کو سراہا۔ اس موقع پر وفاقی وزیر کو سیکرٹری تعلیم محی الدین احمد وانی نے بریفنگ دی۔

بریفنگ میں بتایا گیا کہ اسلام آباد کے100سکولوں اور کالجوں میں تزئین و آرائش اور اپ گریڈیشن کا کام جاری ہے۔ اپ گریڈیشن کے کام میں نئے آئی ٹی لیبز، لائبریریاں، بہتر واش رومز، ذہنی کھیلوں کے کمرے اور میڈیکل رومز کا اضافہ کیا جا رہا ہے۔