سلووینیا کا فلسطینی ریاست کو تسلیم کرنے کا فیصلہ

لیوبلیانا۔31مئی (اے پی پی):سلووینیا نےفلسطینی ریاست کو تسلیم کرنے کا فیصلہ کرلیا۔ العربیہ کے مطابق پارلیمنٹ کی سپیکر اورسکا کلاکوکر زوپانسک نے اعلان کرتے ہوئے کہاکہ منگل 4 جون کو سلووینیا کی پارلیمنٹ ریاست فلسطین کو باضابطہ طور پر تسلیم کرنے پر ووٹ دے گی۔

واضح رہے جمعرات کو لُبلجانا میں ایک پریس کانفرنس کے دوران سپیکر نے وضاحت کی کہ یہ سیشن منگل کو مقامی وقت کے مطابق 1600 اور جی ایم ٹی کے مطابق 1400 بجے شروع ہونے ہوگا۔ حکومت نے اس سے قبل اس حکم نامے کو پارلیمنٹ کی منظوری کے لیے بھیجا تھا۔

جون کے وسط تک یہ عمل مکمل ہونے کا امکان ہے۔ حکم نامے کی منظوری کے لیے سادہ اکثریت کی ضرورت ہوتی ہے۔ حکمران اتحاد کے پاس پارلیمنٹ میں 90 میں سے 51 نشستیں ہیں۔