ایک اور تاریخی دن، پاکستان دوسرا مواصلاتی سیٹلائٹ آج خلا میں بھیجے گا

ہم نیوز  |  May 30, 2024

پاکستان کے لئے ایک اور تاریخی دن، آج پاکستان دوسرا مواصلاتی سیٹلائٹ پاک سیٹ ایم ایم 1 خلاء میں بھیجے گا۔

سپارکو کی جانب سے جاری پریس ریلیز کے مطابق سیٹلائٹ پاکستانی سائنسدانوں اور انجینئرز کی انتھک محنت کا نتیجہ ہے۔

ملٹی مشن کمیونیکیشن سیٹلائٹ چین کی مدد سے خلاء میں لانچ کیا جائے گا، سپارکو کے مطابق پاک سیٹ ایم ایم ون چین کے ژی چیانگ سیٹلائٹ لانچ سینٹر کی مدد سے لانچ کیا جائے گا۔

سعودی ٹیک فرم کا امریکی آرٹیفیشل انٹیلی جنس کمپنی میں سرمایہ کاری کرنے کا اعلان

دوسرا مواصلاتی سیٹلائٹ چین کے شی چانگ سیٹلائٹ لانچ سینٹر سے مدار میں بھیجا جائے گا، پانچ ٹن وزنی سیٹلائٹ جدید ترین مواصلاتی آلات سے لیس ہے۔

اس سیٹلائٹ کے ذریعے پاکستان کے طول و عرض میں تیز ترین انٹرنیٹ کی سہولت فراہم کی جا سکے گی، سیٹلائٹ زمین سے 36ہزارکلومیٹر کی اونچائی پر مدار میں داخل کیا جائے گا۔

سپارکو ترجمان کے مطابق سیٹلائٹ کو زمین سے مدار تک پہنچنے میں تین سے 4روز لگ سکتے ہیں، سیٹلائٹ ای کامرس، ای گورننس کے علاوہ معاشی سرگرمیوں کے فروغ میں اہم کردار ادا کرے گا۔

مزید خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More