عالمی برادری اس بات کو یقینی بنائے کہ فلسطینی جنگ سے تباہ حال غزہ سے بے گھر نہ ہوں، مصری صدر

بیجنگ۔30مئی (اے پی پی):مصر کے صدر عبدالفتاح السیسی نے عالمی برادری سے مطالبہ کیا ہے کہ وہ اس بات کو یقینی بنائے کہ فلسطینی جنگ سے تباہ حال غزہ سے بے گھر نہ ہوں۔

الجزیرہ کے مطابق انہوں نے بیجنگ میں چین عرب تعاون فورم کے موقع پر جاری بیان میں کہا کہ وہ بین الاقوامی برادری سے مطالبہ کرتے ہیں کہ وہ غزہ میں فوری طور پر طویل المدتی بنیاد پر امداد فراہم کرے اوروہاں سے اسرائیلی محاصرہ ختم کرائے اور فلسطینیوں کو اپنی سرزمین سے زبردستی بے دخل کرنے کی کسی بھی کوشش کو روکے۔