پشاور ، ناقص صفائی اور خراب پھلوں سے جوس بنانے پر جوس پوائنٹ سیل ، مالک گرفتار

پشاور۔ 29 مئی (اے پی پی):ضلعی انتظامیہ پشاور نے رنگ روڈ پر کارروائی کرتے ہوئےناقص صفائی اور خراب پھلوں سے جوس بنانے پر جوس پوائنٹ کو سیل کرکے مالک کو گرفتار کر لیا۔ضلعی انتظامیہ پشاور کی جانب سے جاری بیان کے مطابق یہ کارروائی رنگ روڈ پر زم زم جوس پوائنٹ کے خلاف کی گئی۔

ضلعی انتظامیہ نے عوام کو ہدایت کی ہے کہ گراں فروشی اور دکانوں میں سرکاری نرخ نامے کی عدم موجودگی پر ضلعی انتظامیہ پشاور کے کنٹرول روم نمبر 0919211338 پر اطلاع دیں، شکایات پر کارروائی عمل میں لائی جائے گی۔