سعودی وزارت حج وعمرہ کی عازمین کو فوڈ پوائزننگ سے بچنے کی ہدایت

ریاض۔29مئی (اے پی پی):سعودی وزارت حج وعمرہ نے سفر حج کے دوران عازمین کو فوڈ پوائزننگ سے بچنے کی ہدایت کی ہے۔ اردو نیوز کے مطابق وزارت کے آفیشل ایکس اکاونٹ پر جاری بیان میں عازمین حج کو ہدایت کی گئی کہ وہ کھانے کو زیادہ دیر تک محفوظ رکھنے ، کوئی بھی ایسا کھانا جس کا رنگ یا خوشبو بدل گئی ہو، کھلی اور بغیردھلی چیزوں کے کھانے سے گریز کریں۔

وزارت نےعازمین حج کو اپنی دوائوں کو مناسب طریقے سے رکھنے، صحت کے مسائل سے بچنے اور مناسک حج آسانی سے کرنے کی ضرورت پر بھی زور دیا۔ ہدایات میں کہا گیا کہ عازمین حج اپنی دوائوں کو ایک فولڈر میں اور دوسرے لوگوں کی دوائوں سے دور رکھیں۔ یہ بھی ہدایت کی گئی کہ وہ فلائٹ ڈاکٹر یا سپروائز کو مریض کی صحت کے حوالے سے آگاہ کریں اور اس کی صحت کے حوالے سے میڈیکل رپور ٹ کی ایک کاپی ساتھ لائیں۔