فلسطین ہلال احمر سوسائٹی کےرکن عصام روحی محمد عقیل اسرائیلی حملے میں شہید

دبئی۔29مئی (اے پی پی):فلسطین ہلال احمر سوسائٹی پی آر سی ایس کےرکن عصام روحی محمد عقیل اسرائیلی حملے میں شہید ہو گئے ، جس کے بعدغزہ جنگ میں شہید ہونےوالے فلسطین ہلال احمر سوسائٹی کے ارکان کی تعداد 30 ہو گئی ہے۔

روسی خبر رساں ادارے تاس نے پی آر سی ایس کے حوالے سے بتایا کہ القدس ہسپتال کے عملے کے رکن عصام روحی محمد عقیل مرکزی گورنری میں البریج پناہ گزین کیمپ میں واقع اپنے گھر پر حملے میں مارے گئے ۔ پی آر سی ایس کے مطابق اس کے 30 میں سے 17 ارکان امدادی سرگرمیوں کے دوران مارے گئے۔