اسرائیل کا غزہ میں شہریوں کے خلاف تشدد کا اب کوئی جواز نہیں ، اٹلی

روم ۔28مئی (اے پی پی):اٹلی نے کہا کہ غزہ میں فلسطینی شہریوں پر اسرائیلی حملوں کا اب کوئی جواز نہیں ہے۔ العربیہ کے مطابق اٹلی کے وزیرِ دفاع گائیڈو کروسیٹو نے کہاکہ غزہ میں مشکل صورتِ حال بڑھتی جا رہی ہے جس میں معصوم مردوں، عورتوں اور بچوں کے حقوق کی پرواہ کیے بغیر فلسطینی عوام کو دبایا جا رہا ہے ۔ انہوں نے کہا کہ افسوس ہے کہ ہم مایوسی کے ساتھ یہ صورتِ حال دیکھ رہے ہیں۔