گورنر خیبرپختونخوا فیصل کریم کنڈی کا اداکار طلعت حسین کے انتقال پر اظہار افسوس

پشاور۔ 26 مئی (اے پی پی):گورنر خیبرپختونخوا فیصل کریم کنڈی نے لیجنڈ اداکار طلعت حسین کے انتقال پر افسوس کا اظہار کیا ہے۔ اپنے تعزیتی پیغام میں گورنر خیبر پختونخوا نے معروف اداکار، ہدایتکار اور صداکار طلعت حسین کے پسماندگان سے اظہار تعزیت کرتے ہوئے مرحوم کے درجات کی بلندی کیلئے دعا کی۔

گورنر فیصل کریم کنڈی نے کہا کہ طلعت حسین کا انتقال شوبز انڈسٹری کیلئے بڑا نقصان ہے، مرحوم طلعت حسین نے منفرد انداز اداکاری سے شوبز انڈسٹری کو دوام بخشا، ان کی فلم، ڈرامہ اور تھیٹر کیلئے خدمات کو ہمیشہ یاد رکھا جائے گا۔