وفاقی وزیرداخلہ محسن نقوی کا معروف اداکار طلعت حسین کے انتقال پر دکھ کا اظہار

اسلام آباد۔26مئی (اے پی پی):وفاقی وزیر داخلہ محسن نقوی نے معروف اداکار طلعت حسین کے انتقال پر دکھ اور افسوس کا اظہارکیاہے۔

یہاں جاری بیان کے مطابق وزیرداخلہ نے سوگوار خاندان سے دلی ہمدردی و تعزیت کا اظہار کرتے ہوئے کہا کہ طلعت حسین ورسٹائل فنکار تھے ،ان کے یادگار ڈرامے پرستار آج بھی نہیں بھولے۔انہوں نے کہا کہ طلعت حسین کے انتقال سے اداکاری کا خوبصورت دور ختم ہوا ہے