گلگت سے راولپنڈی جانے والی بس کو قلندر آباد کے قریب حادثہ، 6 افراد زخمی

ایبٹ آباد ۔ 26 مئی (اے پی پی):گلگت سے راولپنڈی جان والی بس کو قلندر آباد کے قریب حادثے کے نتیجے میں   6 افراد زخمی ہو گئے۔

ترجمان ریسکیو 1122ایبٹ آباد کے مطابق اطلاع ملنے پر ریسکیو میڈیکل ٹیم فوری جائے حادثہ پر پہنچ گئی۔حادثہ ٹائر پھٹنے کی وجہ سے پیش آیا اور بس سڑک سے نیچے جا گری اور بس میں آگ بھڑک اٹھی۔حادثے کی اطلاع ملتے ہی ریسکیو 1122، موٹر وے پولیس اور دیگر ریسکیو ادارے جائے وقوعہ پر پہنچ گئے اور امدادی کارروائیاں شروع کر دیں۔بس میں سوار تقریبا 29 مسافروں کو بحفاظت نکال لیا۔

حادثے کے نتیجے 6 معمولی زخمی مسافروں کو ریسکیو میڈیکل ٹیم نے موقع پرابتدائی طبی امداد فراہم کی۔ زخمیوں میں 24 سالہ اعجاز، 15 سالہ عمیر، 75 سالہ بلبل خان، 30 سالہ بلاور خان، 70 سالہ محمد گل، 28 سالہ طارق شامل ہیں۔