کھاد انڈسٹریز کو گیس کی بلاتعطل فراہمی کیلئے ضروری اقدامات یقینی بنارہے ہیں، رانا تنویر حسین

شیخوپورہ۔23مئی (اے پی پی):وفاقی وزیر برائے فوڈ سکیورٹی رانا تنویر حسین سے وزیر زراعت پنجاب سید عاشق حسین کرمانی نے ملاقات کی ہے۔ دونوں وزراء نے ملاقات میں زراعت کی ترقی اور باہمی دلچسپی کے امور پر تبادلہ خیال کیا۔

اس موقع پر رانا تنویر حسین کا کہنا تھا کہ وزیر اعظم کی ہدایت پر زرعی شعبے کی ترقی کا پختہ عزم کر رکھا ہے یوریا اور ڈے اے پی کھاد کی بلا تعطل فراہمی کیلئے مربوط حکمت عملی تشکیل دی ہے، وفاقی اور صوبائی حکومتیں کھاد کی ترسیل کے عمل کی نگرانی کریں گی۔منافع خوری ،اوور پراسینگ میں شامل عناصرکیخلاف سخت قانونی کاروائی کی جائےگی ،کھاد انڈسٹریز کو گیس کی بلاتعطل فراہمی کیلئے ضروری اقدامات یقینی بنارہے ہیں۔