اے پی پی | May 22, 2024
ریاض،سعودی نائب وزیر خارجہ کی ایرانی سفارتخانے آمد،صدر ابراہیم رئیسی و دیگر کے سانحاتی انتقال پر تعزیت کی
ریاض ۔22مئی (اے پی پی):سعودی عرب کے وزیر خارجہ شہزادہ فیصل بن فرحان کی نیابت میں نائب وزیر خارجہ انجینئر ولید بن عبدالکریم الخریجی نے ریاض میں ایرانی سفارتخانے جا کر صدر ڈاکٹر ابراہیم رئیسی اور وزیر خارجہ حسین امیر عبداللہیان کی وفات پر تعزیت اور ہمدردی کا اظہار کیا ۔عرب نیوز کے مطابق یران کے سفیرعلی رضا عنایتی نے سفارتخانے میں سعودی نائب وزیرخارجہ کا خیر مقدم کیا۔انجینئر ولید بن عبدالکریم الخریجی نے ایرانی سفیر، ایران کی برادر حکومت اور عوام سے بھی تعزیت کا اظہار کیا۔سعودی وزارت خارجہ کے انڈر سیکرٹری برائے پروٹوکول امور عبدلمجید السماری بھی اس موقع پر موجود تھے۔
Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More