صدر مملکت آصف علی زرداری کی ایرانی صدر ابراہیم رئیسی کو لے جانے والے ہیلی کاپٹر کے حادثے کی خبر پر تشویش ، ان کی صحت اور تندرستی کے لئے نیک تمنائوں کا اظہار

اسلام آباد۔19مئی (اے پی پی):صدر مملکت آصف علی زرداری نے ایرانی صدر ابراہیم رئیسی، وزیر خارجہ عبداللہیان اور دیگر کو لے جانے والے ہیلی کاپٹر حادثے کی خبر پر گہری تشویش کا اظہار کیا ہے اور ان کی تندرستی کے لئے دلی نیک خواہشات کا اظہار کیا ہے۔

ایوان صدر کے پریس ونگ سے جاری بیان کے مطابق صدر مملکت نے سوشل میڈیا پلیٹ فارم ایکس پر اپنی پوسٹ میں کہا کہ ایرانی صدر ابراہیم رئیسی، وزیر خارجہ عبداللہیان اور دیگر کو لے جانے والے ہیلی کاپٹر حادثے کی خبر سن کر گہری تشویش ہوئی ہے ۔

صدر مملکت نے کہا کہ میری دلی دعائیں اور نیک خواہشات صدر رئیسی کی تندرستی اور حفاظت کے لئے ہیں تاکہ وہ ایرانی قوم کی خدمت جاری رکھ سکیں۔