پاکستان نے ترکمانستان کو شکست دے کر سینٹرل ایشین والی بال چیمپیئن شپ جیت لی۔
جمعے کو اسلام آباد کے لیاقت جمنازیم میں کھیلے گئے فائنل میں پاکستانی ٹیم نے عمدہ کھیل کا مظاہرہ کرتے ہوئے حریف ٹیم کے خلاف تین سیٹس میں فتح حاصل کی۔
پاکستان نے پہلا سیٹ 21 کے مقابلے میں 25 پوائنٹس سے اپنے نام کیا، اس کے بعد دوسرا سیٹ بھی پاکستان نے 19 کے مقابلے میں 25 پوائنٹس سے جیتا۔
ترکمانستان نے میچ میں کم بیک کیا اور تیسرا سیٹ 20 کے مقابلے میں 25 پوائنٹس سے جیت لیا۔ پاکستان نے آخری سیٹ میں ترکمانستان کو 14 کے مقابلے میں 25 پوائنٹس سے شکست دی۔
ترکمانستان کی ٹیم صرف ایک سیٹ میں کامیابی حاصل کر سکی، اس طرح پاکستان نے یہ فائنل ایک کے مقابلے میں تین سیٹس سے جیت لیا۔
یہ پاکستان کی ایونٹ میں مسلسل چھٹی فتح تھی، اس میچ سے قبل پاکستان نے جمعرات کو ایران کو بھی تین ایک سے شکست دی تھی۔
اس سے قبل پاکستانی ٹیم نے ترکمانستان، کرغزستان، افغانستان اور سری لنکا کو ہرایا تھا۔