پاکستان سمیت دنیا بھر میں روشنی کا عالمی دن جمعرات کو منایا جائے گا

اسلام آباد۔15مئی (اے پی پی):پاکستان سمیت دنیا بھر میں روشنی کا عالمی دن کل ( جمعرات کو )منایا جائے گا،یہ دن منانے کا مقصد سائنس، ثقافت،آرٹ، تعلیم اور پائیدار ترقی، طب، مواصلات اور توانائی جیسے متنوع شعبوں میں روشنی کی اہمیت کو اجاگر کرنا ہے۔

اس دن کی مناسبت سے ملک بھر میں مختلف تقاریب کا انعقاد کرکے کرہ ارض پر روشنی کے انتہائی اہم کردار کےحوالے سے عوام کو آگاہی فراہم کی جائے گی۔واضح رہے کہ اقوام متحدہ کا ذیلی ادارہ یونیسکو روشنی کے دن کے حوالے سے بین الاقوامی مہم فوٹوونکس کی اہمیت اور پائیدار ترقی کے مستقبل میں اس کے کردار کو اجاگر کرتاہے۔