وزیراعلی سندھ کا مٹیاری کے قریب ٹریفک حادثے میں انسانی جانوں کے ضیاع پر افسوس کا اظہار

کراچی۔ 13 مئی (اے پی پی):وزیراعلی سندھ سید مراد علی شاہ نے مٹیاری کے قریب قومی شاہراہ پر ٹریفک حادثے میں انسانی جانوں کے ضیاع پر افسوس کا اظہار کیا ہے۔

انہوں نے کمشنر حیدرآباد کو ہدایت کی ہے کہ زخمیوں کو بہترین علاج معالجہ کی سہولیات فراہم کی جائیں ، حادثے سے متعلق تفصیلی رپورٹ پیش کی جائے۔وزیراعلی سندھ کو بتایا گیا کہ حادثہ کا شکار ہونے والی مسافر بس اوچ شریف سے کراچی جا رہی تھی ۔