سپیکر قومی اسمبلی سردار ایاز صادق کا چینی سفارتخانہ کا دورہ ،دہشت گرد حملے میں چینی شہریوں کی ہلاکت پر اظہار تعزیت کیا

اسلام آباد۔3اپریل (اے پی پی):قومی اسمبلی کے سپیکر سردار ایاز صادق نے چینی سفارتخانہ کا دورہ کیا۔بدھ کو چینی سفارتخانہ کے دورہ کے موقع پر انہوں نےدہشت گرد حملے میں داسو ہائیڈرو پاور پروجیکٹ پر کام کرنے والے چینی شہریوں کی ہلاکت پر تعزیت کا اظہار کیا۔ ایاز صادق نے کہا کہ وہ پاکستان کی قومی اسمبلی کی جانب سے دہشت گرد حملے میں قیمتی جانوں کے ضیاع پر دلی تعزیت کا اظہار کرنا چاہتے ہیں۔ انہوں نے کہا کہ پاکستان دہشت گردی کا ڈٹ کر مقابلہ جاری رکھے گا، دہشت گردوں کو سخت سزا ئیں دے گا اور اس بات کو یقینی بنائے گا کہ اس طرح کے واقعات دوبارہ رونما نہ ہوں۔