تائیوان میں 7.3 شدت کا زلزلہ، 4 افراد ہلاک، 97 زخمی

اے پی پی  |  Apr 03, 2024

شنگھائی ۔3اپریل (اے پی پی):بدھ کی صبح چین کے علاقے تائیوان میں ہوالین کے قریب سمندر میں آنے والے 7.3 شدت کے زلزلے میں چار افراد ہلاک اور دیگر 97 زخمی ہو گئے۔شنہوا نے فائر ڈیپارٹمنٹ کے اعداد و شمار کا حوالہ دیتے ہوئے بتایا کہ فوجیان، گوانگ ڈونگ، شنگھائی، زی جیانگ اور جیانگ سو کے علاوہ تائیوان بھر میں زلزلے کے شدید جھٹکے محسوس کیے گئے ہوالین میں متعدد رہائشی عمارتیں منہدم ہو گئیں جس کے نتیجہ میں ہزاروں افراد کو محفوظ مقامات پر منتقل کیا گیا۔

پہاڑی علاقوں میں بھی چٹانیں گرنے کی اطلاعات ہیں۔ زلزلے کے بعدکئی علاقوں میں زیر زمین نقل و حمل معطل ہو گئی۔ زلزلے کی شدت 7.2 تھی اور 21 ستمبر 1999 کو آنے والے مہلک زلزلے کے بعد سے 25 سالوں میں جزیرے پر آنے والا سب سے شدید زلزلہ قرار دیا گیا ہے۔چین کے زلزلہ پیما نیٹ ورکس سینٹر کے مطابق زلزلہ بدھ کی صبح 7:58 پر آیا اور اس کا مرکزسطح زمین سے 15.5 کلومیٹر کی گہرائی میں تھا ۔

انہوں نے بتایا کہ زلزلے کے بعد سونامی کی لہریں بھی پید ا ہوئیں ۔ تائیوان کی موسمیاتی ایجنسی کے مطابق زلزلے کے بعد علاقے میں کئی آفٹر شاکس آچکے ہیں اور آئندہ ن چند دنوں میں علاقے میں مزید آفٹر شاکس کا خطرہ ہے جن کی شدت ریکٹر سکیل پر 7 درجے تک ہو سکتی ہے۔

 

مزید خبریں

تازہ ترین خبریں

Disclaimer: Urduwire.com is only the source of Urdu Meta News (type of Google News) and display news on “as it is” based from leading Urdu news web based sources. If you are a general user or webmaster, and want to know how it works? Read More