سبز ماحول میں زندگی گزارنا بینائی اور ہڈیوں کے کمزور ہونے کے امکانات کم کرتا ہے،چینی ماہرین صحت

بیجنگ۔1اپریل (اے پی پی):سبز ماحول میں زندگی گزارنا بینائی کی کمزوری کو دور کرنے کے ساتھ ساتھ ہڈیوں کی تکلیف سے بچا تاہے، چین کی سینٹرل ساؤتھ یونیورسٹی میں کی جانے والی تحقیق کے دوران معلوم ہوا ہے کہ وہ لوگ جو زیادہ سبزہ زار میں رہتے ہیں ان کی ہڈیوں کی کثافت زیادہ ہوتی ہے اور ان کے ہڈیوں کے مرض میں مبتلا ہونے کے خطرات کم ہوتے ہیں۔

چار لاکھ برطانوی شہریوں پر کی جانے والی تحقیق سے معلوم ہوا ہے کہ وہ افراد جو سبز ماحول میں زندگی گزار رہے تھے ان کی ہڈیوں کی مضبوطی زیادہ تھی اور معائنے کے دوران ان میں آسٹروپوروسیس کے امکانات بھی 5 فیصد کم تھے۔