سابق چیف اکانومسٹ ڈاکٹر محمد ندیم جاوید کو ستارہ امتیاز سے نوازا گیا

اسلام آباد۔23مارچ (اے پی پی):سابق چیف اکانومسٹ آف پاکستان ڈاکٹر محمد ندیم جاوید کو صدر پاکستان کی جانب سے ستارہ امتیاز سے نوازا گیا۔ گورنر پنجاب نے ندیم جاوید کو گورنر ہاوس میں منعقدہ تقریب میں ستارہ امتیاز دیا۔

ڈاکٹر ندیم جاوید کو سی پیک کی طویل المیعاد منصوبہ بندی اور بطور ایگزیکٹو ڈائریکٹر اس کے احیاء کے اعتراف میں ستارہ امتیاز دیا گیا ہے۔ڈاکٹر ندیم جاوید کو 2022 میں سیلاب متاثرین کی بحالی کے منصوبہ، سیلاب متاثرین کی بحالی کے منصوبہ عمل کی بدولت عالمی برادری کی جانب سے پاکستان کے لئے 10 ارب ڈالر کی خطیر امداد کا اعلان ممکن ہوا۔

منصوبہ بندی کمیشن میں اصلاحات کے حوالے سے بہترین خدمات انجام دینے پر انہیں قومی ایوارڈ عطا کیا گیا ہے۔