جاپان میں 3 خواتین کو چاقو کے وار سے زخمی کرنے والا شخص گرفتار

ٹوکیو۔22مارچ (اے پی پی):جاپان کے جنوب مغربی شہرکماموٹو میں ایک شخص کو تین نوجوان خواتین کو چاقو کے وار سے زخمی کرنے کے الزام میں گرفتار کر لیا گیا ہے۔

شنہوا نے جاپانی میڈیا کے حوالے سے بتایا کہ یہ واقعہ کماموٹو سٹی ہال کے قریب ایک عمارت میں مقامی وقت کے مطابق صبح 9:15 پر پیش آیا۔انہوں نے بتایا کہ زخمی خواتین کو قریبی ہسپتال منتقل کردیا گیا ہے ۔انہو ں نے مزید بتایا کہ مقامی پولیس نے جائے وقوعہ کے قریب سے ایک 29سالہ شخص کو اقدام قتل کے الزام میں گرفتار کر کے مزید تفتیش شروع کر دی ہے۔