سعودی عرب کے مختلف علاقوں میں آئندہ پیر تک بارش، گرد آلود ہوائیں چلنے ، ژالہ باری کا امکان

ریاض۔21مارچ (اے پی پی):سعودی عرب کے مختلف علاقوں میں آئندہ پیر تک بارش، گرد آلود ہوائیں چلنے اور ژالہ باری کا امکان ہے۔

اردو نیوز کے مطابق میں سعودی عرب میں موسمیات کے قومی مرکز نے بتایا کہ مدینہ منورہ، مکہ مکرمہ، الباحہ، عسیر، جازان، الجوف، حائل، ، ریاض، قصیم، منطقہ الشرقیہ، تبوک اور حدود شمالیہ آئندہ پیر تک موسمی اتار چڑھاو کی زد میں رہیں گے۔

موسمیات کے قومی مرکز نے شہریوں اور مقیم افراد سے کہا ہے کہ وہ نئے موسمی حالات کے پیش نظر احتیاطی تدابیر اختیار کریں۔ موسم کی صورتحال سے باخبر رہیں اور ضرورت کے تحت ہی باہر نکلیں۔