پاکستان کی معروف کار ساز کمپنی لکی موٹرز نے اپنی گاڑیوں کی قیمت میں بھاری کمی کا اعلان کر دیا۔
لکی موٹرز کی جانب سے مشہور زمانہ گاڑی ’ کیاسپورٹیج ‘ کی قیمت میں 3 لاکھ روپے تک کی کمی کا اعلان کیا گیا ہے ،نئی قیمتوں کا اطلاق (4 مارچ )آ ج سے ہی کر دیا گیاہے۔
کمپنی کی جانب سے جاری کر دہ نوٹیفکیشن میں کہا گیاہے کہ سپورٹیج الفا کی قیمت میں اڑھائی لاکھ روپے کی کمی کر دی گئی ہے ۔
تاہم کمپنی نے سپورٹیج ’ ایف ڈبلیو ڈی، ’ اے ڈبلیو ڈی ‘ اور لیمیٹڈ ایڈیشن کی قیمت میں 3 لاکھ روپے کمی کر دی ہے جس کے بعد سپورٹیج الفا کی نئی قیمت 73 لاکھ ، سپورٹیج ایف ڈبلیو ڈی 77 لاکھ 40 ہزار، سپورٹیج اے ڈبلیو ڈی کی نئی قیمت 84 لاکھ 70 ہزار ہو گی ۔
اس کے علاوہ سپورٹیج کے لیمیٹڈ ایڈیشن کی قیمت کم ہونے کے بعد 90 لاکھ روپے ہو گی ۔
نجی ٹی وی کے مطابق کمپنی کی جانب سے پکانٹو کی قیمتوں میں کئی ردو بدل نہیں کیا گیاہے ، پکانٹو ایم ٹی 36 لاکھ ، پکانٹو اے ٹی 38 لاکھ 50 ہزار، سٹونک ای ایکس پلس 62 لاکھ 80 روپے پر برقرار رکھی گئیں ہیں ۔