سعودی سیاحتی سیکٹر میں 45 فیصد ملازمین سعودی خواتین ہیں، شہزادی ھیفاء

جدہ۔2مارچ (اے پی پی):سعودی عرب کی نائب وزیرسیاحت شہزادی ھیفاء بنت محمد بن سعود نے کہا ہے کہ سیاحتی سیکٹرمیں 45 فیصد خواتین خدمات انجام دے رہی ہیں ۔

اخبار 24 کے مطابق سعودی نائب وزیرسیاحت نےریاض میں منعقدہ ہیومن کیپبلیٹی انیشیٹیو کانفرنس میں منعقدہ ایک مذاکرے سے خطاب کرتے ہوئے کہا کہ ورلڈ اکنامک فورم کی رپورٹ کے مطابق دنیا میں 33 فیصد ملازمتین جدید ٹیکنالوجی کی سمت میں منتقل ہورہی ہیں۔

ضرورت اس امرکی ہے کہ ہمیں ہر میدان میں وقت کے تقاضوں کو مدنظر رکھتے ہوئے اپنی صلاحیتوں اور مہارتوں میں اضافہ کرنا ہوگا۔انہوں نے مزید کہا کہ سیاحتی شعبہ میں ٹیکنالوجی کا کافی اہم کردار ہوگا جس کے بعد مستقبل میں اس حوالے سے کئی میدان سامنے آئیں گے۔

شہزادی ھیفاء نے سیاحتی سیکٹر میں ٹیکنالوجی کے حوالے سے کی جانے والی سرمایہ کاری کی اہمیت کو اجاگر کرتے ہوئے اسے مستقبل کی ضرورت قرار دیا۔