متحدہ عرب امارات میں تیز ہواؤں اور موسلادھار بارشوں کا امکان ہے۔
عرب میڈیا کے مطابق ملک کے مختلف علاقوں میں درجہ حرارت بھی کم ہونے کا امکان ہے۔
جمعرات کو کئی علاقوں میں موسم جزوی ابر آلود رہنے کی توقع ہے جبکہ شمالی، مشرقی اور جنوبی علاقوں میں ہلکی اور تیز بارش کا امکان ہے۔
دبئی، شارجہ، العین، فجیرہ اور راس الخیمہ میں تیز بارش کا امکان ظاہر کیا گیا ہے۔
محکمہ موسمیات کے مطابق جمعے کو بھی مشرقی علاقوں میں موسم ابر آلود رہے گا اور دن کے اوقات میں بارش کا امکان ہے۔