کاروباری ہفتے کے دوسرے روز بھی ڈالر کی قیمت میں کمی ہو گئی جبکہ اسٹاک مارکیٹ میں کاروبار کا مثبت آغاز ہوا۔
منگل کو انٹر بینک میں ڈالرکی قدر مزید 10 پیسے کی کمی ریکارڈ کی گئی جس کے بعد ڈالر 279 روپے 10 پیسے کا ہو گیا۔
گزشتہ روز کاروبار کے اختتام پر ڈالر کا ریٹ 279 روپے 20 پیسے پر بند ہوا تھا۔
ڈالر سستا ، اسٹاک مارکیٹ میں زبردست تیزی ، 63 ہزار کی حد بحال
دوسری جانب اسٹاک مارکیٹ میں منگل کو بھی کاروبار کے دوران مثبت رجحان دیکھنے میں آیا، پا کستان اسٹاک ایکسچینج کے 100 انڈیکس میں 141 پوائنٹس کا اضافہ ہوا جس سے انڈیکس 63 ہزار447 پوائنٹس کی سطح پر پہنچ گیا۔