عیدالفطر کے موقع پر 6 دن کی چھٹیوں کا امکان ظاہر کیا گیا ہے۔
عرب میڈیا کے مطابق متحدہ عرب امارات میں ماہِ رمضان کے مقدس مہینے کا آغاز 12 مارچ بروز منگل سے ہونے کا امکان ہے اور عین ممکن ہے کہ اس بار بھی رمضان پورے 30 دن کا ہوگا۔
عرب میڈیا کے مطابق اس ممکنہ صورت میں متحدہ عرب امارات میں عید الفطر کے موقع پر ملازمین کو 6 چھٹیاں مل جائیں گی۔
رپورٹس کے مطابق اگر ماہِ رمضان 30 دنوں پر مشتمل ہوگا تو 30 رمضان 10 اپریل کو ہوگا اور متحدہ عرب امارات کی حکومت کی جانب سے سرکاری اور نجی شعبوں کے لیے عید الفطر منانے کی تعطیلات کا اعلان 29 رمضان سے 3 شوال تک کیا گیا ہے۔
رپورٹس کے مطابق اگر ممکنہ صورتحال کی ہی بات کی جائے تو سرکاری چھٹیوں کا اختتام 13 اپریل (ہفتے) کو ہوگا اور اگلے دن اتوار ہے، یوں اس طرح ملازمین کو 6 چھٹیاں مل جائیں گی۔