پاکستان سُپر لیگ (پی ایس ایل) کے نویں ایڈیشن میں کراچی کنگز آج بابر الیون کے خلاف پہلی جیت کی تلاش میں میدان میں اترے گی۔
پی ایس ایل 9 میں آج ملتان اور لاہور کرکٹ اسٹیڈیم میں دو میچز کھیلے جائیں گے۔ پہلا میچ پاکستانی وقت کے مطابق دو بجے کراچی کنگز اور پشاور زلمی کے درمیان کھیلا جائے گا۔
پی ایس ایل 9: ملتان سلطانز نے اسلام آباد یونائیٹڈ کو 5 وکٹوں سے شکست دے دی
کراچی کنگز کو ملتان سلطانز کے خلاف پہلے میچ میں شکست کا سامنا کرنا پڑا تھا جبکہ پشاور زلمی بھی کوئٹہ گلیڈی ایٹرز کیخلاف کامیاب نہیں ہوپائی تھی۔
پی ایس ایل 9 کے پوائنٹس ٹیبل پر کنگز اس وقت چھٹے جبکہ زلمی پانچویں نمبر پر موجود ہے۔ ٹیبل پر ملتان سلطانز اس وقت اپنے دونوں میچز جیتنے کے بعد سرِفہرست ہے۔