پاکستان سپر لیگ کے نویں ایڈیشن کے تیسرے میچ میں ملتان سلطانز نے پہلے بیٹنگ کرتے ہوئے کراچی کنگز کو جیتنے کیلئے 186 رنز کا ہدف دے دیا۔
ملتان کے اسٹیڈیم میں کھیلے جانیوالے میچ میں ملتان سطانز کی ٹیم نے مقررہ 20 اوورز میں 2 وکٹوں کے نقصان پر 185 رنز بنائے ۔ ریزا ہینڈریکس 79 رنز بناکر ناقابل شکست رہےانہوں نے 3 چھکے اور 7 چوکے لگائے ہیں۔
کراچی کنگز نے اپنے نائب کپتان کا اعلان کردیا
ڈیوڈ ملان نے 52 رنز کی اننگز کھیلی جبکہ کپتان محمد رضوان 11 رنز بناکرپویلین واپس لوٹ گئے تھے ، خوشدل شاہ 28 رنز بناکر ناٹ آؤٹ رہے۔
ٹاس جیت کر کراچی کنگز کے کپتان شان مسعود نے ملتان سلطانز کو پہلے کھیلنے کی دعوت دی تھی۔
اس سے قبل پاکستان سپر لیگ کے نویں ایڈیشن میں کوئٹہ گلیڈی ایٹرز نے پشاور زلمی کو 16 رنز سے شکست دے دی۔پشاور زلمی کی جانب سے بابراعظم68اورصائم ایوب42رن بنا کر نمایاں رہے جبکہ ٹام کوہلر کیڈمور18اوررومان پاول نے17رن بنائےہیں۔