پاکستان سپر لیگ کے نویں ایڈیشن میں کوئٹہ گلیڈی ایٹرز نے پشاور زلمی کیلئے 207 رنز کا ہدف دیدیا ۔
کوئٹہ گلیڈی ایٹرز کی جانب سے جیسن روئے75اورسعودشکیل نے 74رن بنائے، جبکہ شرفین ردھر فورڈ20 اوررائیلی روسوو نے 14 رن بناسکے۔پشاور زلمی کی جانب سے عامرجمال نے 4کھلاڑیوں کوآؤٹ کیا جبکہ محمدذیشان اور سلمان ارشاد نے ایک ایک وکٹ لی۔
قبل ازیں پی ایس ایل 9 کا دوسرا میچ آج پشاور اور کوئٹہ کی فرنچائز کے درمیان لاہور کے قذافی اسٹیڈیم میں کھیلا جارہا ہے۔ کوئٹہ گلیڈی ایٹرز کے اوپننگ بلے باز جیسن روئےنے 75 اور سعود شکیل نے 74 رنز بنائےہیں۔
پی ایس ایل 9 کا افتتاحی میچ، یونائیٹڈ نے قلندرز کو 8 وکٹوں سے شکست دیدی
اس سے قبل ٹاس پر گفتگو کرتے ہوئے پشاور زلمی کے کپتان بابر اعظم نے کہا کہ کوشش کریں گے کوئٹہ گلیڈی ایٹرز کو160،170 رن تک محدود کریں۔ ایونٹ کا پہلا میچ ہے، کوشش کریں گے جیت کیساتھ آغاز کریں۔
دوسری طرف کوئٹہ گلیڈیئٹرز کے نئے کپتان رائیلی روسوو کا کہنا تھا کہ ایک گیم میں اُسی پر ہی فوکس رکھنا چاہتے ہیں۔ نیا سیزن ہے تمام کھلاڑی پُرجوش ہیں۔
سابق کپتان سرفراز احمد کے حوالے سے انہوں نے کہا کہ سرفراز کی کپتانی میں کوئٹہ گلیڈی ایٹرز کا سفر اچھا رہا۔