ملک کی تمام بڑی جماعتوں نے حکومت بنانے کیلئے جوڑ توڑ کا سلسلہ تیز کر دیا ہے، تحریک انصاف نے بھی خیبر پختونخوا میں حکومت بنانے کے لیے آج اہم اجلاس آج طلب کر لیا۔پی ٹی آئی کے ذرائع کا کہنا ہے کہ اجلاس میں صوبے میں حکومت سازی اور وزیراعلیٰ خیبرپختونخوا کے ناموں پر غور کیا جائے گا۔
حکومت سازی کیلئے جوڑ توڑ عروج پر ، متحدہ کے وفد کی رائیونڈ میں نواز شریف سے ملاقات
ذرائع پی ٹی آئی کے مطابق علی امین گنڈاپور، مشتاق غنی اور تاج محمد ترند کے نام وزیراعلیٰ کی فہرست میں شامل ہیں۔ذرائع نے مزید بتایا کہ اجلاس کے بعد وزیراعلیٰ کے نام کی حتمی منظوری بانی پی ٹی آئی سے لی جائے گی، بانی پی ٹی آئی سے بیرسٹر گوہر علی اور دیگر وکلاء ملاقات کریں گے۔ جس کے بعد بیرسٹر گوہر وزیرِاعلیٰ کے پی کے نام کا اعلان کریں گے۔