الیکشن کمیشن نے اسلام آباد کی تینوں نشستوں پر کامیاب امیدواروں کا نوٹیفکیشن جاری کر دیا ہے۔
این اے 46 سے پاکستان مسلم لیگ (ن) کے انجم عقیل کو کامیاب قرار دیا گیا ہے جبکہ این اے 47 سے ن لیگ کے ہی طارق فضل چودھری کامیاب قرار پائے ہیں۔
اسلام آباد کے حلقہ این اے 48 سے آزاد امیدوار راجہ خرم شہزاد نوازکی کامیابی کا نوٹیفکیشن جاری کر دیا گیا ہے۔
راولپنڈی، الیکشن کمیشن دفتر کے باہر احتجاج، پی ٹی آئی قیادت و کارکنوں کیخلاف مقدمہ درج
اس نوٹیفکیشن کے جاری کرنے کے بعد تین دن کے اندر آزاد امیدوار کو کسی سیاسی پارٹی سے وابستگی ظاہر کرنا ہو گی، خرم نواز نے پہلے ہی ن لیگ میں شمولیت کا اعلان کر رکھا ہے۔
فارم 47 کے مطابق انجم عقیل حلقہ این اے 46 سے 81958 ووٹ لے کر کامیاب رہے۔ این اے 47 میں ن لیگ کے امیدوار طارق فضل چودھری 101397 ووٹ لے کر کامیاب ہوئے۔
اسلام آباد کے حلقہ این اے 48 سے آزاد امیدوار راجہ خرم شہزاد نواز 69699 ووٹ لے کر کامیاب ہوئے۔