الیکشن کمیشن کا مرکزی الیکشن مانیٹرنگ کنٹرول سنٹر مکمل طور پر فعال ہے،ترجمان

اسلام آباد۔8فروری (اے پی پی):الیکشن کمیشن کا مرکزی الیکشن مانیٹرنگ کنٹرول سنٹر مکمل طور پر فعال ہے اور ملک بھر میں قائم ریجنل اور ڈسٹرکٹ مانیٹرنگ کنٹرول سنٹرز کے ساتھ ہمہ وقت رابطے میں ہے ۔

الیکشن کمیشن کے ترجمان کی طرف سے جاری بیان کے مطابق چیف الیکشن کمشنر سکندر سلطان راجہ مرکزی الیکشن مانیٹرنگ کنٹرول سنٹر میں موجود ہیں اور الیکشن کے عمل کی بذات خود نگرانی کر رہے ہیں۔

پولنگ کا عمل پرامن طور پر جاری ہے۔مرکزی کنٹرول سینٹر اسلام آباد سے پورے ملک میں انتخابات کی مانیٹرنگ جاری ہے اور ابھی تک کہیں سے بھی کوئی شکایت موصول نہیں ہوئی ۔ کسی بھی شکایت کی صورت میں 051-111327000 پر فوری رابطہ کیا جا سکتا ہے۔