نواب بہادر یار جنگ کا یوم پیدائش ہفتہ کو منایا گیا

اسلام آباد۔3فروری (اے پی پی):جدوجہد آزادی کے نامور رہنما نواب بہادر یار جنگ کا یوم پیدائش ہفتہ 3 فروری کو منایا گیا۔وہ 3فروری 1905کو حیدر آباد دکن میں پیداہوئے اور ان کا اصل نام محمد بہادرخان تھا۔

نواب بہادر یار جنگ کی سالگرہ کے د ن کی مناسبت سے ملک بھر میں مختلف تقریبات منعقد کی گئیں۔نواب بہادر یار جنگ شعلہ بیان مقرر تھے اور وہ قائد اعظم محمد علی جناح ؒ کے قریبی ساتھیوں میں شمار ہوتے تھے آپ کو قائد ملت اور لسان الامت کے خطابات سے بھی نواز اگیا ۔ نواب بہادر یار جنگ 25جون1944 کو وفات پاگئے ۔