چیئرمین آئی پی او فرخ امل کا دی ملینیم یونیورسل کالج کا دورہ

اسلام آباد۔2فروری (اے پی پی):چیئرمین انٹلیکچوئل پراپرٹی آرگنائزیشن (آئی پی او) اور سابق سفیر فرخ امل نے جمعہ کو دی ملینیم یونیورسل کالج کا دورہ کیا۔

چیئرمین آئی پی اونے انٹلیکچوئل پراپرٹی رائٹس (آئی پی آر) پر ایک انٹرایکٹو سیشن میں شرکت کی جس میں طلباء کو اختراع، کاروبار، ٹریڈ مارک، کاپی رائٹس، پیٹنٹ اور تکنیکی جدت سمیت آئی پی آر کے مختلف پہلوؤں کے بارے میں آگاہ کیا گیا۔

اس تعاون کا مقصد طلباء کو انٹلیکچوئل پراپرٹی رائٹس کی اہمیت کو سمجھنے اور آئی پی آر میں مہارت حاصل کرنے کے قابل بنانا ہے تاکہ وہ پاکستان کے اختراعی منظر نامے میں اپنا کردادر ادا کر سکیں۔

انٹرایکٹو سیشن نے طلباء کو قیمتی معلومات اور آئی پی آر کے بارے میں سوالات پوچھنے کا موقع فراہم کیا۔اس سے قبل دی ملینیم ایجوکیشن گروپ کے چیئرمین نے آئی پی او پاکستان ہیڈ کوارٹر کا دورہ کیا تھا۔