برازیل کے شہر ساؤ پالو میں شمسی بجلی گھر لانچ کیا گیا ہے، یہ پلانٹ 7 میگاواٹ کا ہے۔
غیرملکی خبررساں ادارے کے مطابق میگالو پولیس میں لانچ کیا جانے والا یہ شمسی بجلی گھر 75 میگاواٹ کے منصوبے کا پہلا مرحلہ ہے۔
یہ منصوبہ 2025 میں مکمل ہوگا،ساؤپالو کی حکومت نے بلنگز ریزروائر میں یو ایف ایف آروکیریا فلوٹنگ پی وی پروجیکٹ کے پہلے مرحلے کی تکمیل کا اعلان کیا۔
بلنگز ریزروائر ساؤپالو میں پانی کا سب سے بڑا ذخیرہ ہے،7 میگاواٹ بجلی حاصل کرنے کے لیے 10500 سولر پینل لگائے گئے، یہ تمام پینل ایک دبیز پولیتھیلین شیٹ پرنصب کیے گئے ہیں۔
یہ پلانٹ ملک کی نیٹ میٹرنگ اسکیم کے تحت کام کرے گا، یہ پلانٹ سالانہ 10 جیگا واٹ بجلی پیدا کرسکے گا، یہ پاور پلانٹ دی اسٹیٹ آف ساؤپالو انوائرنمنٹل کمپنی کی ملکیت ہے۔
مقامی حکومت کا کہنا تھا کہ اس نوعیت کے پلانٹس توانائی کے متبادل ذرائع سے مستفید ہونے کی سمت اہم قدم ہیں۔
ایسے بجلی گھر لگانے سے ایک طرف تو کوئلے یا کاربن ڈایوکسائڈ خارج کرنے والی دیگر اشیا کے استعمال سے چلنے والے بجلی گھر قائم کرنے حوصلہ شکنی ہوتی ہے اور دوسری طرف ماحول کو بہتر بنانے میں مدد ملتی ہے۔
پانی کی سطح پر تیرتے ہوئے شمسی بجلی گھر قائم کرنے سے پانی کے بخارات بن کر اڑنے کا عمل بھی رک جاتا ہے اور دوسری طرف خشکی کا وہ رقبہ بھی بچ جاتا ہے جو ایسے منصوبوں کے لیے درکار ہوتا ہے۔