وقت اور ایندھن دونوں کی بچت، گوگل میپس سے پیٹرول بچانے کا طریقہ

گوگل میپس کو اب راستے میں ٹریفک کی روانی اور منزل تک پہنچنے میں آسانی کے ساتھ ساتھ پیٹرول کی بچت کے لیے بھی استعمال کیا جاسکے گا۔

ایپ میں موجود ‘ایکو فرینڈلی روٹنگ’ نامی اس فیچر کے ذریعے دورانِ سفر گاڑی کا ایندھن بچایا جاسکتا ہے۔ گوگل میپس کا یہ فیچر گاڑی کے انجن کو مدنظر رکھتے ہوئے پیٹرول کے استعمال کا تخمینہ لگاتا ہے۔

‘ایکو فرینڈلی روٹنگ’ فیچر صارفین کو ٹریفک کی روانی، سڑک کی حالت اور دیگر پہلوؤں کی جانچ پڑتال کرکے بہترین راستہ بھی تجویز کرتا ہے۔ اس طرح وقت اور ایندھن دونوں کی بچت ہوسکے گی۔