نگران وفاقی وزیر اطلاعات مرتضیٰ سولنگی کا سینئر اینکر پرسن ارم چوہدری کے انتقال پر اظہار افسوس

اسلام آباد۔27جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی نے سینئر اینکر پرسن ارم چوہدری کے انتقال پر گہرے دکھ اور افسوس کا اظہار کیا ہے۔

ہفتہ کو اپنے تعزیتی بیان میں انہوں نے کہا کہ ارم چوہدری کے انتقال کی خبر سن کر دلی افسوس ہوا، ارم چوہدری ایک باصلاحیت اور محنتی صحافی تھیں جنہوں نے اپنے کیریئر میں صحافت کے میدان میں نمایاں خدمات انجام دیں۔ انہوں نے کہا کہ مرحومہ کا انتقال شعبہ صحافت کے لئے بڑا نقصان ہے۔

وفاقی وزیر اطلاعات نے ارم چوہدری کو خراج عقیدت پیش کرتے ہوئے دعا کی کہ اللہ تعالیٰ مرحومہ کو اپنے جوار رحمت میں جگہ اور لواحقین کو صبر جمیل عطا فرمائے۔ آمین