کسٹمز کا عالمی دن ،ورلڈ کسٹمز آرگنائزیشن برسلز میں پاکستان کے مستقبل مندوب سید اسد رضوی کی نمائندگی

ز ۔27جنوری (اے پی پی):کسٹمز کا عالمی دن 2024 جمعہ کو برسلز میں ورلڈ کسٹمز آرگنائزیشن( ڈبلیو سی او )میں منایا گیا۔

پاکستان کسٹمز کی نمائندگی ڈبلیو سی او میں اس کے مستقل مندوب سید اسد رضوی نے کی۔اس موقع پر تنظیم کے نئے سیکرٹری جنرل ایان ساندرز نے 2024 کے لیے ڈبلیو سی او کے موضوع ’’ مقصد کے ساتھ کسٹمز کے نئے اور روایتی شراکت داروں سے روابط‘‘ پر گفتگو کی۔تقریب میں بیلجیئم میں مقیم کسٹمز کے تمام نمائندگان نے شرکت کی ۔

ڈبلیو سی او میں پاکستان کسٹمز کے ٹویٹ میں کہا گیا کہ اس موقع پر ورلڈ کسٹمز آرگنائزیشن میں پاکستان کی نمائندگی کرنا ایک اعزاز ہے ۔