نگران وفاقی وزیر اطلاعات مرتضیٰ سولنگی کا پی ایف یو جے (ورکرز) کے صدر پرویز شوکت کے انتقال پر اظہار تعزیت

اسلام آباد۔26جنوری (اے پی پی):نگران وفاقی وزیر اطلاعات، نشریات و پارلیمانی امور مرتضیٰ سولنگی نے پاکستان فیڈرل یونین آف جرنلسٹس( ورکرز )کے صدر سینئر صحافی پرویز شوکت کے انتقال پر گہرے دکھ اور افسوس کا اظہار کیا ہے۔

جمعہ کو اپنے تعزیتی بیان میں وفاقی وزیر اطلاعات نے کہا کہ پرویز شوکت کے انتقال کی خبر سن کر دلی افسوس ہوا، پرویز شوکت صحافیوں کی مضبوط آواز تھے

، شعبہ صحافت اور صحافیوں کی فلاح و بہبود کے لئے ان کی خدمات کو ہمیشہ یاد رکھا جائے گا۔ انہوں نے دعا کی کہ اللہ تعالیٰ مرحوم کو اپنے جوار رحمت میں اعلیٰ مقام اور لواحقین کو صبر جمیل عطا فرمائے ۔