سفری دستاویزات کے لیے 31 مارچ تک مہلت، پاکستان نے دس دن بعد طورخم بارڈر کھول دیا

پاکستان نے منگل کو افغانستان کے ساتھ ایک اہم شمال مغربی سرحدی کراسنگ طورخم کھول دی ہے۔

عرب نیوز کے مطابق پولیس اور کسٹم حکام نے بتایا کہ افغان ٹرک ڈرائیوروں کے پاس مناسب سفری دستاویزات نہ ہونے کی وجہ سے طورخم بارڈر کو دس روز سے زائد عرصے کے لیے بند کرنے کے بعد کھول دیا گیا ہے۔

ٹرک ڈرائیور برسوں سے بغیر دستاویزات کے سرحد سے گزرنے میں کامیاب رہے ہیں، لیکن پاکستانی حکام نے حال ہی میں افغان ڈرائیوروں سے پاسپورٹ اور ویزا مانگنا شروع کر دیا تھا۔

طورخم بارڈر کراسنگ کو حالیہ مہینوں میں متعدد بار بند کیا گیا ہے، بشمول ستمبر میں جب سرحدی فورسز کے درمیان جھڑپوں کی وجہ سے اسے نو دن تک بند رکھا گیا تھا۔