نگران وزیراعلیٰ سندھ سے امریکی سفیر ڈونلڈ بلوم کی ملاقات،مختلف امور پر تبادلہ خیال کیا گیا

کراچی۔ 22 جنوری (اے پی پی):نگران وزیراعلیٰ سندھ جسٹس (ر) مقبول باقر سے امریکی سفیر ڈونلڈ بلوم نے ملاقات کی۔وزیراعلی ہائوس سے جاری اعلامیہ کے مطابق ملاقات میں دو طرفہ تعلقات پرتبادلہ خیال کیا گیا۔

پاکستان کی معیشت کی بہتری کے حوالے سے حکومت کے کیے گئے اقدامات اور امریکی حکومت کی جانب سے سندھ میں بنائے گئے 200 سکول پر بھی گفتگو کی گئی ۔وزیراعلی سندھ نے گفتگو کرتے ہوٸے بتایا کہ سندھ حکومت بچوں کی تعلیم کے حوالے سے اقدامات کررہی ہے،بچوں میں غذائیت کے مسائل میں امریکی حکومت سندھ حکومت کی مدد کررہی ہے۔انہوں نے کہا کہ امریکی حکومت تعلیم،صحت اور سیلاب میں سندھ حکومت کی بھرپور مدد کی ہے اور تعلیم کے معیار کی بہتری کے لیے سندھ حکومت اساتذہ کی تربیت پر توجہ دے رہی ہے۔

ملاقات میں امریکی قونصل جنرل کانرڈ ٹربل،وزیراعلیٰ کے سیکریٹری رحیم شیخ اور سیکریٹری انویسٹمنٹ راہمو بھی موجود تھے۔