جرمن چانسلر کا امریکی صدر سےٹیلی فونک رابطہ، یوکرین کےلیے امداد ،مشرق وسطی کی صورتحال پر تبادلہ خیال

برلن ۔19جنوری (اے پی پی):جرمن چانسلر اولاف شولز نے امریکی صدر جو بائیڈن سےٹیلی فونک رابطے میں یوکرین کےلیے امداد کے تسلسل اور مشرق وسطی کی صورتحال پر تبادلہ خیال کیا ۔

ڈی ڈبلیو کے مطابق دونوں رہنمائوں نے روس کے یوکرین پر متواتر حملوں کی مذمت کرتےہوئے یوکرین کو مالی،عسکری اور انسانی امدادکی فراہمی جاری رکھنے پر اتفاق کیا ۔بتایا گیا ہے کہ جرمنی نے اس سال یوکرین کےلیے 7 ارب یورو کی سے زائد کی عسکری امداد دینے کا اعلان کیا ہے۔