جاپان میں مقامی موتیوں کی نیلامی جاری،قیمتیں کئی گنا بڑھ گئیں

ٹوکیو۔18جنوری (اے پی پی):جاپان میں نیلامی کے دوران مقامی موتیوں کی قیمتیں بلندترین سطح پر پہنچ گئیں۔ این یچ کے ،کے مطابق جاپان کے شہر میئے میں ہونے والی ایک نیلامی کے دوران مقامی موتیوں کی قیمتوں میں اضافہ ریکارڈ کیا گیا،

خریداروں نے پچھلے سال کے مقابلے میں درجہ اول کے نمونوں کے لیے تقریباً 50 فیصد زیادہ ادائیگی کی ۔ منگل سے شروع ہونے والی 11 روزہ نیلامی کے دوران ایک ٹن موتی فروخت کے لیے پیش کیے جائیں گے۔

جاپانی علاقے اِسے شیما سے نکالے گئے اعلیٰ درجے کے موتیوں کی فی 3.75 گرام اوسط قیمت تقریباً 33 ہزار ین یا تقریباً 224 ڈالر رہی۔