اسلام آباد۔15جنوری (اے پی پی):وزارت منصوبہ بندی، ترقی، اصلاحات و خصوصی اقدامات نے سرکاری شعبہ کے ترقیاتی پروگرام کے تحت ملک کے ترقیاتی منصوبوں کیلئے مجموعی طور پر اب تک 3 کھرب 5 ارب 95کروڑ75لاکھ کے فنڈز جاری کر دیئے ہیں جبکہ اب تک ایک کھرب49ارب 68 کروڑروپے خرچ کئے جاچکے ہیں ۔ پلاننگ کمیشن کی طرف سے جاری کردہ اعداد و شمار کے مطابق حکومت نے رواں مالی سال کے دوران ترقیاتی منصوبوں کیلئے 9 کھرب 50 ارب روپے کے فنڈز مختص کئے ہیں۔اعداد و شمار کے مطابق این ٹی ڈی سی، پیپکو کے ترقیاتی منصوبوں کیلئے19 ارب 34 کروڑ، نیشنل ہائی وے اتھارٹی کیلئے41 ارب 99 کروڑ، واٹر ریسورس ڈویژن کیلئے38 ارب67 کروڑ ، سائنس ٹیکنالوجیکل ریسرچ ڈویژن کیلئے2 ارب 80 کروڑ، ریونیو ڈویژن کیلئے ایک ارب 12 کروڑ، تخفیف غربت ڈویژن کیلئے17 کروڑ 50لاکھ، پلاننگ کمیشن کیلئے7 ارب 34 کروڑ، ریلویز ڈویژن کیلئے11ارب 55 کروڑ، پٹرولیم ڈویژن کیلئے 77 کروڑ77 لاکھ، پاکستان نیوکلیئر ریگولیٹری اتھارٹی کیلئے5 کروڑ 25 لاکھ، قومی تاریخی ورثہ ڈویژن کیلئے25 کروڑ ، صحت کی سہولیات بہتر بنانے کیلئے 3 ارب 17کروڑ ، نیشنل فوڈ سکیورٹی ریسرچ ڈویژن کیلئے 3 ارب 9 کروڑ ، میری ٹائم افیئرز ڈویژن کیلئے ایک ارب 70 کروڑ ، لاجسٹک ڈویژن کیلئے49 کروڑ،داخلہ ڈویژن کیلئے 3 ارب 48 کروڑ، بین الصوبائی رابطہ ڈویژن کیلئے 66 کروڑ 50لاکھ، انفارمیشن ٹیکنالوجی ٹیلی کام ڈویژن کیلئے 2 ار ب 10 کروڑ ، انفارمیشن اینڈ براڈ کاسٹنگ ڈویژن کیلئے70 کروڑ، صنعت و پیداوار ڈویژن کیلئےایک ارب 5 کروڑ ، انسانی حقوق ڈویژن کیلئے 28کروڑ 49 لاکھ، ہائوسنگ ورکس ڈویژن کیلئے 14 ارب 23 کروڑ، ہائیر ایجوکیشن کمیشن کیلئے20 ارب 89 کروڑ، صوبوں اور سپیشل ایریاز کیلئے 43 ارب 26 کروڑ، فنانس ڈویژن کیلئےایک ارب12کروڑ، وفاقی تعلیم و پیشہ وارانہ تربیت ڈویژن کیلئے 2 ارب 97 کروڑ ، اسٹیبلشمنٹ ڈویژن کیلئے29 کروڑ 40 لاکھ،ڈیفنس پروڈکشن ڈویژن کیلئے 56کروڑ ، ڈیفنس ڈویژن کیلئے ایک ارب 12 کروڑ ، کمیونیکیشن ڈویژن کیلئے12 کروڑ 61لاکھ، موسمیاتی تبدیلی ڈویژن کیلئے 5ایک ارب 41 کروڑ، کیبنٹ ڈویژن کیلئے61 ارب 28 کروڑ ، سرمایہ کاری بورڈ کیلئے39 کروڑ، پراجیکٹ کی واجب الادا ادائیگیوں کیلئے ایک ارب 97 کروڑ روپے سمیت مختلف ترقیاتی منصوبوں کیلئے فنڈز جاری کر دیئے گئے ہیں۔