پی ایس ڈی پی کے تحت پلاننگ کمیشن ڈویژن کے ترقیاتی منصوبوں کےلئے 7 ارب 34کروڑ روپے جاری

اسلام آباد۔15جنوری (اے پی پی):وزارت منصوبہ بندی ،ترقی و اصلاحات نے سرکاری شعبے کے ترقیاتی پروگراموں میں پلاننگ کمیشن ڈویژن کے ترقیاتی منصوبوں کےلئے اب تک 7 ارب 34 کروڑ روپے کے فنڈز جاری کر دیئے، جن میں سے 39کروڑ 36 لاکھ روپے خرچ کئے جا چکے ہیں۔

پلاننگ کمیشن کے اعدادوشمار کے مطابق حکومت نے رواں مالی سال کے دوران اس ڈویژن کے ترقیاتی کاموں کےلئے 24ارب 89 کروڑ روپے سے زیادہ کے فنڈز مختص کئے ہیں جن میں سے 7 ارب 34کروڑ روپے جاری جبکہ 39 کروڑ 34لاکھ روپے خرچ کئے جا چکے ہیں۔