اے این ایف کا منشیات سمگلنگ کے خلاف کریک ڈاؤن ، 417 کلو سے زائد منشیات برآمد ، 6 ملزمان گرفتار

راولپنڈی۔15جنوری (اے پی پی):اینٹی نارکوٹکس فورس(اے این ایف )نے منشیات سمگلنگ کے خلاف جاری کریک ڈاؤن کے دوران 7 کارروائیوں میں 417 کلو سے زائد منشیات برآمد کرکے 6 ملزمان گرفتارکرلیے۔

ترجمان اے این ایف کے مطابق مندرہ ٹول پلازہ راولپنڈی کے قریب 156 کلو چرس اور 48 کلو افیون برآمدکرکے 2 ملزمان گرفتارکیے گئے۔نوکنڈی سے 52 کلو چرس، 41 کلو افیون اور 21 کلو مارفین برآمد کی گئی۔ویسٹرن بائی پاس کوئٹہ کے قریب 85.2 کلو چرس برآمدکرکے ملزم گرفتارکیا گیا۔خار بارڈر باجوڑ میں دو مختلف کاروائیوں میں 10 کلو چرس برآمدکی گئی ۔گلبرگ کالونی فیصل آباد سے 2.1 کلو چرس اور 6 بوتلیں شراب برآمدکرکےملزم گرفتارکیا گیا۔

جی ٹی ایس چوک فیصل آباد کے قریب ملزم سے 1.1 کلو آئس برآمدکی گئی۔رنگ روڈ پشاور کے قریب 1 کلو آئس برآمد کرکےملزم گرفتارکیا گیا۔ترجمان نے بتایا کہ گرفتار ملزمان کے خلاف انسدادِمنشیات ایکٹ کے تحت مقدمات درج کر کے تحقیقات کا آغاز کر دیا گیا ہے۔