پاکستان کے خلاف دوسرے ٹی ٹوئنٹی میچ میں نیوزی لینڈ نے 195 رنز کا ہدف دے دیا، فاسٹ باؤلر حارث رؤف نے 3 جبکہ عباس آفریدی نے 2 وکٹیں حاصل کیں۔
پاکستان اور نیوزی لینڈ کے درمیان 5 میچوں پر مشتمل ٹی ٹوئنٹی سیریز کا دوسرا میچ آج کھیلا جارہا ہے۔ دونوں ٹیمیں ہیملٹن کے سیڈن پارک میں مدمقابل ہیں، نیوزی لینڈ کو سیریز میں 0-1 سے برتری حاصل ہے۔
پاکستان نے ٹی20 کرکٹ کی بابراعظم اور رضوان کی کامیاب ترین اوپننگ جوڑی توڑ دی
قومی ٹیم کے کپتان شاہین شاہ آفریدی کی جانب سے ٹاس جیت کر پہلے فیلڈنگ کا فیصلہ کیا گیا تھا۔ کیویز بلے بازوں نے پہلے بیٹنگ کرتے ہوئے مقررہ اوورز میں 194 رنز بنائے۔
نیوزی لینڈ کی طرف سے فن ایلین نے 41 گیندوں پر 74 رنز کی جارحانہ اننگز کھیلی۔ ڈیون کونوائے 20 اور مچل سینٹنر 25 رنز بنا کر پویلین لوٹے۔
اس سے قبل گفتگو کرتے ہوئے قومی ٹیم کے کپتان شاہین شاہ آفریدی کا کہنا تھا کہ ہم پہلے باؤلنگ کریں گے۔ کیچ پکڑیں گے تو نیوزی لینڈ کو پریشانی کا سامنا کرنا پڑے گا۔
پہلا ٹی ٹوئنٹی، نیوزی لینڈ نے پاکستان کو 46 رنز سے شکست دیدی
قومی ٹیم کے کپتان نے مزید کہا کہ فاسٹ باولر عباس آفریدی کا ڈیبیو بہت اچھا رہا ہے۔
خیال رہے کہ پہلے ٹی ٹوئنٹی میچ میں کیویز نے شاہینوں کو 46 رنز سے شکست دے کر سیریز کا آغاز فاتحانہ انداز میں کیا تھا۔